تخيل مسلم ويسأل!!!صلاة الجمعه كم ركعه؟؟؟؟؟؟؟؟؟؟؟؟

عسى الله لايعاقبنا على تقصيرنا بالدين

وعساه بـ رحمته يعفو ويضللنا مع السبعه

نسينا او لهينا او .. بكل احوالنا مخطين

تسابقنا على الدنيا نبي جاه ونبي سمعه

نعيش بـ عيشة ٍ ( ضنكا ) كبر فينا الهوان الين

على أتفه سبب نبكي تضيق صدور متسعه

تعبنا من مقولتنا ( يزينها البخت وتزين )

وتشين اكثر مدام ابليس حي وماخذ ٍ وضعه

غفلنا لين ودتنا وجابتنا الذنوب سنين

وجَب نصحى من الغفله قبل روحه بلا رجعه

إذا غطى الظلام عيون بـ يبقى بالضماير ( دين )

لأن النفس لوّامه وخطائه وممتنعه

رجانا كلمة ٍ وحده بعد كل الدعا آميـن

كريم وواسع الرحمّه مثل ما انزل بـ شرعه

بعد تاريخنا الطاهر ( فتوحات وصلاح الدين )

ماتت روح أمانينا وصرنا بـ الهوى شمعه

تعيش تشوف بـ ايامك ( لما تعجب له العينين )

جهر بـ معصيّه وذنوب وناس ٍ تفتي فـ بدعه !!

وصلنا مرحله نشفق على بعض القلوب الحين

كأنه من قسى قلبـّه بدينه قام ينتزعه

يحز بـ خاطرك لما يجيـك ويسألك مسكين

( تخيـّل مسلم ويسأل صلاة الجمّعه كم ركعه ) !!