السلام عليكم ورحمه الله وبركاته
حبايبي قد تستغربوا من العنوان
بس انا بسالكم واسال نفسي
هل انت ايها الشاب قد قلت لاختك هلا حبيبتي تكلمت معها بالكلام الطيب
والا ماعندك الجراة انك تقول هلا حبيبتي
كل هذا عشان تكون بنظر اختك انك رجال مو صحيح انك تثبت الرجوله بهالامر هذا
الرسول عليه الصلاة والسلام افضل من خلق ربي كان حنون مع بناته وزوجاته وكان ودود معهم ويخاف عليهم وكان يلعب مع زوجته عائشه ماقال انو عيب العب معها انا رجال
مهما كان خواتنا محتاجين الكلام الحلو محتاجين حنان الاخوة
اسالك هل مرة اخذت اختك وطلعت تتمشى معها هل عزمتها على العشاء مرة بمناسبه او من دون مناسبه
هل احضرت لها هديه
نكون واضحين شوي البعض منا مقصر بحق خواتنا
بل حتى البعض يخجل انو يطلع معها للسوق يخاف احد يشوفه وبالعكس تحصله يدخن وييجاهر بالمعصيه قدام الناس بالله ايهم اخجل لكم حريه الرد
انا اتمنى اننا نغير هالنظريه انو الواحد مايتكلم كلام حلو عشان مايطيح من عين اخته
عاد نجي عند البنات الحين
انا باسالك هل مرة بحياتك قلتي لاخوك كلام حلو
قلتي له حبيبي هلا عيوني
ماعتقد
قد مرة جهزتي له العشاء وعزمتيه وقلتي لاتتعشى برا ترا العشاء مخصص لك
قد جبتي له هديه
قد ارسلتي له رساله حلوه
كل هالاشياء ماعتقد موجودة وان صارت موجودة فهي بنسبه قليله
كل هذا ليش عشان تخاف منه بالسخريه والاستهزاء
اخواني اخواتي
حنا كلنا عندنا اخوات واخوان
لابد نغير حياتنا ونصير يد وحدة وتكون اسرارنا وحدة
شنو اللي يمنع انك تبارك لاختك النجاح
شنو اللي يمنع انك تعايدين اخوك بالعيد
شنو اللي يمنع اننا نكون يدة واحده
صدقوني كلنا محتاجين للاخر
هل اخواتنا يعرفون اسرارنا
من منا يعرف اسرار اخواته
اعتقد القليل والقليل جدا
اتمنى منكم ان نتحدث عن هالموضوع ونتكلم فيه بجديه
اتمنى منكم عدم الرد بالشكر
هالموضوع لكم مو لي
نتكلم عن المشكله نتكلم عن حل لها
الكل منا يبدي رايه ونتاقش فيه
عالعموم في نهايه كلامي
قد يكون خانني التعبير ولا عبرت زين بس
هالموضوع وجه نظري فان اصبت فالحمدلله وان اخطات فلكم العذر
تحياتي لكم[b]
موضوع: حبيبتي !! حبيبي!! 
الإثنين أبريل 27, 2009 9:38 am