قصه وحده معنا باللكليه في (( جامعه الاميره نوره )) .. !! ..

[align=center]
هالقصه نقلتها لكم من موقع كليتنا .. !! .. (( جامعه الأميره نوره )) .. !! .. وبقلم وحده من الطالبات معنا .. قصه واقعيه ميه بالميه .. !! ..

يا بنات أسمعوا كلامي زين؟
أنا وأختي أصحاب هذه القصه ومسؤولين على كل كلمة نقولها
:
:
السالفه ومافيها

مره أنا فتحت لاب توب أخوي؟
عاد أخوي هذا مجنون نت
وبرامج وفاهم الدنيا مقلوبه
واهو دايم يمنعنا بأن نفتح
اللاب توب حقه

المهم
مره من المرات
جينا أنا وثلاث من أخواتي
وفتحنا اللاب توب حق أخوي_

توقعوا وش لقينا ؟؟
لقينا طبعآ مقاطع فيديو بالهبل_
منها مقاطع مضحكه
ومنها مقاطع هجوله
ومنها مقاطع كسرات
ومنها مقاطع أغاني
ومنها مقاطع ،،،،،
^
^
^
^
^
^
^
^
^
^
^
^
( بنات )

يعني بنات مثلنا

بنات ناس وقبايل

ماأقول لكم؟؟
فنانات
أو
اجنبيات ؟؟
لا _بل

بنات نفسنا
حتى غرفهم وعفشهم في الصور ؟

وأحسهم كانوا يصورون أنفسهم
بس أستهبال !!

وشوفوا سبحان الله كيف
أنتشرت !!
وإللي
شفته أنا بعيني؟
كان بعضهم واضح إن يتعلمون
الرقص عشان عندهم زواج
بعد فتره وكانوا يستعدون له
وكل أخت؟ تصور أختها الثانيه
وعلى نياتها !!
وغيرها من المقاطع
أنا عن جد تألمت منها ،،

وفي مقطع كمان
كانت وحده تصور نفسها
وقدام المرايه

يعني هم بنات زيهم
زينا
حتى قمصان بيتهم عليهم

يعني هذا دليل
إنهم بريئات وحريصات إن الصور ماتنتشر!

بس قدر الله وماشاء فعل_

المهم أسمعوا قصتي
أنا واخواتي وش سوينا
يوم شفنا هذي المقاطع
في لاب توب أخوي
طبعآ أخوي مو قصده
يجمع هالأشياء؟لكن طبيعي
المقاطع بتنتشر بين الشباب!
وحتى بعد البنات_

بصراحه أنا واخواتي أنصدمنا
لأننا تعاطفنا مع هالبنات
المساكين
إللي صورهم أنتشرت
يمكن بسبب جوالهم ضاع
أو وحده جوالها أنسرق_

وربي كنت شوي وابكي
أحسهم بنات مننا
وفينا
حتى حرام وجيههم واضحه

المهم
جيت أنا وأخواتي وقلنا لازم نمسحها وحتى لو درى أخوى بالطقاق_ المهم مسكنا كل المقاطع
حقات البنات ومسحناها
كلها
عشان حتى ماتنتشر أكثر من كذا!

وتذكروا يابنات
من ستر على مسلم في الدنيا؟
ستر الله عليه في الدنيا
والآخره

تصوروا
ورب البيت
بعد فتره إيش إللي حصل
لأختي

عاد أختي دينها
ودين إنها تحط صوره لها في جوالها
يعني حريصه بزياده

المهم جاء مره
وسافرنا
وطلعنا وأتمشينا
وذاك اليوم وحبكت
أختي إلا وتصور !!

وصورت نفسها
بجميع الحالات
مره واقفه عند شجره في الطلعه
ومره منسدحه
على الزرع وشعرها إنسيابي_
يعني كان لعب واستهبال

وعلى أساس بس
تروح الكليه وتوريه صديقاتها
ثم طوالي تمسحه

المهم دخلت النقل الصباح
وورتها صديقاتها
ولما وصلت الكليه
على أساس جميع الجوالات يعطونها
السواق_
والسواق طبعآ ثقه

فلما نزلت جوالها عند السواق
خافت وترددت
والبنات لسه مانزلوا من النقل
وقالت لصديقاتها
بنات وشرايكم آطلع ذاكرتي من جوالي_وأنزلها معي للكليه_ عشان لاقدر الله أخاف إن
السواق يفتح جوالي ويشوف الصور_
قالولها _صديقاتها
أحسن لك خليها
في النقل_ والله سواقنا
ماطرى عليه يفتش الجوالات_
لأن سواقنا تعرفينه محترم مره_

المهم أختي ماسمعت كلام البنات_وقالت_ أحسن لي أنزل الذاكره معي
وآحطها في جيبي أظمن!

توقعوا وش صار لأختي؟

طبعآ دخلت أختي الكليه
وداومت والظهر
ثم طلعت

وجاء اليوم الثاني
وداومت والظهر
طلعت بعد_

أختي نست شي أسمه الذاكره_

طبعآ الذاكره صغنونه هالقد_

وفجأه أختي تدور الذاكره في جيبها
وتدور ،،،، ومالقت!!

وتفتش أكثر
يمين يسار

هم بعد مالقت

حاست النقل والكراسي
لعله طاح من جيبها في النقل
بس مالقب

تصيح _ _ تبكي
هم بعد ماينفع

صديقاتها يلومونها
وكل إللي حولها
يلومونها

ليش ماتهتمين
ليش أنتي غبيه

أختي تبكي
وهموم الدنيا فوق
راسها !!

راحت أختي تدعي
تقول يارب
يارب
أنا ذاك اليوم
شفت صور بنات الناس في لاب توب أخوي؟
ومن غيرتي وخوفي عليهم؟
جيت ومستحتها عشان ماتنتشر!!

يارب يقول رسولك الكريم
من ستر على مسلم في الدنيا؟
ستر الله عليه في الدنيا
والآخره!

وأنت تعلم يارب إني سترت على بنات الناس عشان تستر علي !
يارب لاتخلي ذاكرتي
يصير فيها شي مكروه!
واجعلها في إيدي أمنيه !

يارب أرحمني
وريح بالي !!

المهم صار على ضياع
ذاكرتها بس يومين؟

توقعوا وش صار؟
^
^
^
^
^
^
^
^
^
داومت الكليه وكانت مكتمه
ومتضايقه بسبة موضوع ذاكراتها_

فجأه جت يمها طالبه من طالبات
كليتها_

طبعآ أختي كانت مداومه_

فجأه
هذي البنت سلمت على أختي

وأختي طبعآ ماتعرفها
اللهم مرات تلمحها
في الأقسام الثانيه

فقالت البنت لأختي:
أخبارك
كيفك؟
قالت أختي: الحمدلله بخير.

قالت هذي البنت
(ويمكن هذي البنت تقرأ الحين
القصه)

قالت البنت لأختي
لو سمحتي أنتي
ضاع منك شي ؟

قالت أختي وبصراخ:
إيه_ليه لايكون شفتي صوري
منتشره؟

قالت البنت:
هدي نفسك.. ذاكرتك بالحفظ والصون وتراها
معي .

قالت أختي:يعني شفتيها
طاحت مني في الكليه؟

قالت البنت: لا_

قالت أختي طيب شلون عرفتي إن هذي الذاكره حقتي؟

ردت عليها البنت وقال :إسمعي!

أنا قبل أمس كنت أتمشى أنا وصديقاتي في ساحات الكليه

وفجأه
لقت صديقتي ذاكره جوال
طايحه في الساحه تقريبآ
تحت ارجولها

المهم صديقتي دنقت وأخذتها
ومبسوطه تقول لنا
بنات لقيت ذاكره طايحه
والثانيه تقول تكفين عطيني الذاكره أبتفرج فيها وبكره ارجعها لك _وطقاق على هالذاكره_

تقول البنت:
وجيت أنا وبقوه خذيت الذاكره
من صديقتي
وقلتلهم بالله أنا أبآخذ الذاكره وابشوف وش فيها وبكره أرجعها_

المهم البنت
وش سوت؟

تقول : ولما رحت للبيت
واسترخيت _أخذت وحطيت
الذاكره في جوالي

تقول وطلع لي أشكال والوان
مقاطع وسائط فله
ومقاطع دينيه
وفيه مقاطع مقالب

تقول البنت :
أنا ماطرى ولاخطر في بالي
إني راح ألقى صور صاحبة الذاكره_

وتقول أثناء ماأفتش وانبش
بين أستديو وبرامج
تقول حسيت بملل
على أساس بكره أبرجعها
لصديقاتي ويتهنون فيها؟

إلا فجأه وقبل لأقفل الجوال
إلا وأنا ألقى فيه حافظه فيها صور البنت

تقول: وأقوم وأصحصح وأركز
طلعت هذي البنت مرات أشوفها
وهي طالبه من طالبات الكليه وطوالي عرفتها!!

تقول: وربي قلبي يطق يطق_

تقول: فيني بكيه
وقلت

وش أسوي ألحين
أوريها صديقاتي
أو أخلي الذاكره عندي

أو
وش أسوي؟

طبعآ البنت إللي لقت الذاكره
طلعت بنت ناس وفيها الخير!
وربي بعثها لصاحبة الذاكره إللي هي أختي _

لأن أختي قد مره
سترت على بنت في الدنيا
لما
شفنا مقاطع لصور بنات في لاب توب أخوي
وجينا ومسحناها لوجه الله_

وسبحان الله
ربي كان يراقبنا وكان قريب مننا
وحصل معنا ومع أختي بالذات هالموقف؟وربي ستر علينا

وأرسل لنا
هالبنت الطيبه جزاها الله ألف
خير
وربي أكيد راح يستر عنها وعن اخواتها في الدنيا والآخره
بسبة هالمعروف.

المهم أكمل لكم قصة أختي؟

لما جتها هذي البنت في الكليه
راحت البنت وحكت لأختي
الحكايه _وقالت بصراحه أنا فتحت ذاكرتك_وشفتك في الصور أنتي أنتي وملامحك واضحه وعرفتك إن طالبه في الكليه لاني مرات أشوفك_

وقلت لازم بكره أدورها
واعطيها ذاكرتها

وطبعآ سامحيني إذا شفت صورك؟عاد أختي تقول جلست أبكي وابكي وأقول لها
أنتي عادي تمونين
وواضح إنك بنت ناس وتخافين الله

أنا أبكي من رحمة ربي
وعرفت كيف من يستر على مسلم في الدنيا ؟ربي يستر عليه!

عشان كذا يابنات
لازم الجميع منكم يابنات ياخذ العظة والعبره

وإذا شفتوا أنتوا صور مقاطع
بنات ورقص وأشياء زي كذا
تكفون أمسحوها
سواء كانت في جوالاتكم
أو حتى جوالات غيركم
موعشاني والله مو عشاني!!

عشان ربي
عشان ربي يستر عليكم بعد
وعشان ربي يستر على أخواتكم وبناتكم

يابنات
تكفون لازم نحط يد
بيد

ونمسح كل المقاطع الجوالات إللي زي كذا
عشان هالبنات المسكينات
حتى لوكانوا مهملات وغلطانات
معليش عادي امسحوها

وربي حاسه إني مغبونه
وفيني صيحه

يابنات المواضيع هذي تراها موسهله
ترى فيها قبايل وارقاب!

يابنات أسمعوا ندائي
ترى هالحين صايره الناس تتناقل أحدث البلوتوثات وهالشي انتشر بكثره_

وصار أغلب الشباب والبنات
يتنافسون عليه!

بنات تذكروا نصيحتي
لكم والله احبكم وأخاف عليكم

بنات تذكروا
إن كل ماتمسحين صوره أو مقطع أو حتى مقاطع الأصوات المنتشره
كل وحده
تقول في نفسها إذا جت تمسحه؟
يارب أنا مسحته
عشان تستر على هالبنت
وعلشان بعد تستر علي إذا صار لي شي لاسمح الله..

بنات حاولوا تنشرون هذي الرساله أو هذا الموضوع
عشان تآخذون الاجر
وعشان نعيش في مجتمع
بناته واعيات ونعيش مرفوعين الراس ومرضين الله ورسوله وأهلنا_

وتذكروا

قول الرسول صلى الله عليه وسلم :
من ستر على مسلم في الدنيا؟
ستر الله عليه في الدنيا
والآخره ..

.. !! ..
واحب اضيف ان القصه مو موجه للبنات بس حتى الشباب والرجال احب اقولهم استر على بنات الناس يستر ربي على بناتكم .. !! ..
[/align]

مشكوره اختي منبع الطيبه على التذكره ومن جد ان نتهاون كثييييييير في هالاشياء.......

يسلمو على القصه ....

صدق رسول الله (من ستر على اخيه المسلم ستر الله عليه في الدنيا والاخره)

تحياتي

» أبنشدك عن نور القمر وشلون نوره
» جبي موضوعك وتعالي ادخلي معنا وخذي وسامك .. !! ..
» صورتك الشخصه معنا تناسب ذوقك الراقي ..
» طريقه نصم الحواجب ,, الطريقه سهله مرهـ (معنا حواجبك احلى بكثر )